Þátttaka á námskeiðum Náttúruskólans

Náttúruskóli Reykjavíkur stendur reglulega fyrir námskeiðum í  útikennslu og umhverfismennt.  Námskeiðin eru opin öllum kennurum, leiðbeinendum og öðrum sem vilja auka hlut útikennslu og starfa með börnum og unglingum.

Beiðni um þátttöku á námskeiði skal senda á netfangið natturuskoli@reykjavik.is. 

Fram þarf að koma:

1. Heiti námskeiðs
2. Nafn þátttakanda
3. Skóli eða stofnun sem viðkomandi vinnur við

Þátttökugjald er kr. 2.000,- fyrir kennara í grunn- og leikskólum Reykjavíkur en kr. 5.000,- fyrir aðra.  Kennarar í skólum borgarinnar njóta forgangs á námskeiðin þar til viku fyrir auglýstan námskeiðsdag.

Séu forföll ekki tilkynnt er þátttökugjald innheimt engu að síður.

Öll námskeið Náttúruskólans fara fram utandyra, að hluta eða öllu leyti, og því þurfa þátttendur að vera vel búnir til útiveru.

Áfram á námskeið haustsins.

Markmið

• Að kynna útikennslu sem kennsluaðferð og efla kennara og aðra til að auka þátt útikennslu í starfi sínu.
• Að benda á möguleika útikennslu í mismunandi námsgreinum og fyrir ólík aldursstig skólakerfisins.
• Að styrkja umhverfismennt í leik- og grunnskólum.
• Að skapa vettvang fyrir umhverfisstarf í skólum í anda umhverfisstefnu borgarinnar.
• Að halda opinni og lifandi umræðu um umhverfismál í skólum.

Námskeiðin eru stutt og hnitmiðuð og fara fram utandyra á ólíkum stöðum í Reykjavík eftir því sem á við hverju sinni.  Náttúruskólinn fær til liðs við sig fjölbreyttan hóp sérfræðinga til að sjá um fræðsluna ásamt því sem verkefnisstjóri skólans kennir á námskeiðunum.

Áfram á námskeið haustsins.